Mar Guerra: Xenaro e a hucha do indiano Ilustracións de Fernando Llorente Col. Merlín, 211. Edicións Xerais. Vigo, 2010 |
 | A Xenaro Conese Maiúsculo complícanselle moito as cousas esta volta. Ademais de ter que se enfrontar cos irmáns Lourido, uns mangallóns disque malos malísimos, ten que aturar unha nena nova na súa clase, Sefi a madrileña. Por riba, o seu amigo da alma, Filipe Efes, compórtase dun xeito moi estraño, coma se agachase algún segredo. Resolver o misterio da Horta dos Reis seralle o de menos ao Xe nesta nova aventura, unha andanza onde nada é o que semella, nin sequera a hucha do indiano. (información editorial) |
Jaureguizar: Corazón de chocolate. Un misterio para Tintimán en Compostela Ilustracións de Matalobos Col. Un misterio para Tintimán, 1. Edicións Xerais. Vigo, 2010 |
 | Tintimán, un rapaz de dezaseis anos arrichado e algo insolente, herdou do seu pai a paixón por investigar misterios, o amor pola aventura e un axitado traballo de xornalista. EnCorazón de chocolate, a cidade de Santiago de Compostela é un escenario emocionante e arriscado para o primeiro misterio que ten que descubrir. O reporteiro investigará se realmente existe a Irmandade Xelmírez, unha seita perversa, ou se só é unha lenda. Señor Grozni, un gato cun parche nun ollo, e Mónica, unha amiga que asegura ser a súa moza, achegaranlle a axuda precisa para que Tintimán descubra a verdade. (información editorial) |